صعب تفهمني
عدد المساهمات : 2 تاريخ التسجيل : 23/06/2009
| موضوع: ويُوم خان الحُب ؟ قالَت : ِيلعَـن الحُب وسنينه : الأربعاء يونيو 24, 2009 6:09 pm | |
| السلام عليكم ورحمة الله وبركاتة
يحس فيني ... قبل لا أحكي ! ... عن إللي بـ خاطري و فيني وكل ماجيت أبـ تكلم , عن " الأحزان " ؟ هو / يبكي !
غريبه ! كيف يفهمني ؟ ويقراني ؟ وأنا عيني - أغمّضها إذا شفته . . . و أحاول . . . إنّي ما أشكي
عليه شلون أخبّي شي ؟؟ وأشوفه ( حافظ سنيني ) !! إذا بـ أضحك قبل لا أضحك ...... تسابق ضحكته ضحكي .
لأنه عارف أحوالي قبل لا يسأل [ شـ فيني ] لزمت " الصمت " في لحظة سؤاله . و أتركه { يحكي .}
قلت .. أبحكي .. ما رأيته .. وما سِمَعتَه للذينه .. يسمعُونِي , و يفهمُونِي , دَام خفَّاقِي كفَلها
" قصةٍ " صَارت و عِبرَه و " نُور دَرب " العارفينه وإستَحَت ( كِل القِصَايِد والكُواكِب ) مِن خَجَلها
شاعره . لا يُمكِن إنهَا تِعترف مِثل : السفينه لا بَغَت تغرق ؟ تِكابِر ! حتَّى تتــناسَى خلَلها
, السهل فيها صَعَبهَا , وما تبي تِرسى في مينه , أبحَرَت رَغم العَواصِف . . . والصَّعَب فِيها سَهَلْها . . .
مِن تِغزَّل ؟ ما عِجَبهَا ... لو مِسَكهَا في يمينه . ومِن عَرَفهَا ؟ ما فَهَمهَا . لو قراها في غزلْها ...
تكتِب " اللي صار فِيها " و " الجُروح المستكينه " و القوافي / صَارت أجمَل ! لا بِدى فِيها زعلها /..
ولو يكذِّب ؟ ما تِصَدِّق لو يقول إنْهَا : ثمينه ولو وصَفهَا ؟ مِن خياله ؟ ما وصِفهَا في مثلها ,
تِنْصِدِم لا شافَت إنهَا - هَزَّت قِلوبٍ رزينه صارت الوردَه ..الوحيده.. و النَّحَل ناوي ( عسلها )
مِن سَألهَا عَن خَبَرها قالت [ أشوى صِرت زينه ] وإهيَه تدري في النهايه ؟ إنْهَا في قِمَــة مللها !
ما شِكت تكْسر خواطـر . . . وما بِكَت دَمع المهينه . . . ما رجت { رغـم المصايب }, و إنْعَدَم فِيها جهلها
ويُوم خان الحُب ؟ قالَت : ِيلعَـن الحُب وسنينه : نفسها نفسٍ - عزيزه و " ما إنوَلَد " مِن هو يذلها
ما بقى للِّيل داعـي .... . بعد ما راحت حزينه وما بقى للحب معنى . .... بعد ما حُبها خذلها
مِن قِدَر قلبه و جَرَحهَا ؟؟ مِن ذِبَحهَا في إيدينه ؟؟ ما عَـرَف ( " قِيمَة وفاها " ) لِيته والله ما وصلها !
كِلْ شَي فِيهَا . ! يحبَّه ! . و ما تبـي إلا / حنينه كامله و الكامِل الله يـا كِثِر و الله , خِصلها
... الأصيله يوم صَارت في وسط عينه رهينه ؟؟ قام - يضحَك مِن غلاها عِند ~ كِل اللي عَذلها ~
ويَسرِد القصَّه الطويله ــــ و يقلُب الزينه بشينه ! والخطا ؟ سوَّاه مِنْها . ما رَحَم " طِيبَة أصِلْها "
ولو أحَد عَنَّه سَألْهَـا ؟؟ قالت : الله بَس يعينه : مـا تبي تحكِي , و تِذِمَه , لو سَألها مِن سألها ,
كانت ( أكبَر ) مِن جحُودَه يُوم عاشَت له سِجينه . ما خَطَت مَرَّه !! في حَقه و - يا كبر والله عقلها
وكان( أصغَر ) مِن صِغيرٍ عِندَه سِكينٍ سنينه ... و لما صارت في إيدينه ؟ مادرى إنِّه [ قِتلها ]
عِزِّتي لِك يا وُفاها ,., مـا رَحَمهَا مِن مدينه ,., كِل مِن فِيهَا " جَرَحهَا " و إنطُفَت شَمعَة أملها
ما عطاها الحَظ مَـرَّه .! عَاشَت و مَاتَت / حزينه والمشاكِل ؟ مـا تِجيهَا إلاَّ مِن { أقرَب أهلها } | |
|
الليث
عدد المساهمات : 28 تاريخ التسجيل : 23/06/2009
| موضوع: رد: ويُوم خان الحُب ؟ قالَت : ِيلعَـن الحُب وسنينه : الأربعاء يونيو 24, 2009 9:04 pm | |
| | |
|
صعب تفهمني
عدد المساهمات : 2 تاريخ التسجيل : 23/06/2009
| موضوع: رد: ويُوم خان الحُب ؟ قالَت : ِيلعَـن الحُب وسنينه : الخميس يونيو 25, 2009 6:41 pm | |
| الليث .. يعطيك العافيه على المرور الأكثر من رائع .. وبإنتظار الجديد دائماا .. دمت بتألق .. | |
|
عاشقة تبوك
عدد المساهمات : 26 تاريخ التسجيل : 21/06/2009
| موضوع: رد: ويُوم خان الحُب ؟ قالَت : ِيلعَـن الحُب وسنينه : السبت يونيو 27, 2009 3:50 am | |
| يعطيك العافيه اخوي صعب
ونحن بأنتظار جديدك تقبل
مروري وتحياتي | |
|